• ໂທ: 081 312 347 | 020 52394441

ສູນສະຖິຕິປະຈຳແຂວງອຸດົມໄຊ

Oudomxay Provincial Statistics Centre

ຝຶກອົບຮົມ IT

 

ໃນຕອນເຊົ້າເວລາ 07:30 ຂອງວັນທີ 26 ກໍລະກົດ 2017 ສູນສະຖິຕິປະຈຳແຂວງໄດ້ຈັດຝຶກອົບຮົມການຕິດຕັ້ງ ແລະ ດູແລຮັກສາຄອມພິວເຕີ, ການຮັບ-ສົ່ງຂໍ້ມູນຜ່ານລະບົບເຄື່ອຂ່າຍອີນເຕີເນັດ.ການຝຶກອົບຮົມໃນຄັ້ງນີ້ໄດ້ເປີດຂື້ນຢ່າງເປັນທາງການ ພາຍໃຕ້ການເປັນປະທານ ຂອງທ່ານ ສົມລິດ ລັດສະເກດ ຮອງຫົວໜ້າສູນສະຖິຕິປະຈຳແຂວງ ແລະໃຫ້ກຽດເຂົ້າຮວມໂດຍທ່ານ ບຸນຮຽມ ແກ້ວຄຸນທອງ ກຳມະການພັກເມືອງ, ຫົວໜ້າຫ້ອງການແຜນການເມືອງແບງ. ໃນການຝຶກອົບຮົມໃນຄັ້ງນີ້ມີຜູ້ເຂົ້າຮ່ວມທັງໝົດ 19 ທ່ານ, ທີມງານຈາກສູນສະຖິຕິປະຈຳແຂວງ  5 ທ່ານ, ຄູຝຶກ 1 ທ່ານ, ມີນັກສຳມະນາກອນມາຈາກສູນສະຖິຕິປະຈຳເມືອງ  ເມືອງລະ 1 ທ່ານ ແລະ ຫ້ອງການສາທາເມືອງແບງ 3 ທ່ານ ທີມີຄວາມສົນໃຈໄດ້ສົ່ງນັກສຳມະນາກອນເຂົ້າຮວມຈຸດປະສົງໃນການຝືກອົບຮົມໃນຄັ້ງນີ້ແມນເພື່ອ;
–    ເພື່ອກະກຽມຄວາມພ້ອມທຸກດ້ານໃນການປັງປຸງ ແລະ ພັດທະນາວຽກງານ ICT ທີ່ກ່ຽວຂ້ອງກັບວຽກ ງານສະຖິຕິ;
–    ເພື່ອຮອງຮັບການສ້າງລະບົບເຄືອຂ່າຍພາຍໃນສູນສະຖິຕິແຫ່ງຊາດເພື່ອພ້ອມເຊື່ອມໂຍງກັບສູນແຂວງ ແລະ ເມືອງ;
–    ເພື່ອສ້າງໃຫ້ລະບົບການບໍລິຫານຈັດການຄອມພິວເຕີ ແລະ ຜູ້ໃຊ້ງານພາຍໃນລະບົບສະຖິຕິມີຄຸນນະພາບ, ມີຄວາມປອດໄພ, ມີຄວາມສະດວກ ແລະທັນສະໄໜ.
–    ຍົກລະດັບຄວາມຮູ້ຄວາມສາມາດໃຫ້ແກ່ພະນັກງານວິຊາການໃຫ້ກາຍເປັນຜູ້ຊໍານານງານສະເພາະດ້ານ ການບໍລິຫານລະບົບຄອມພິວເຕີ ແລະ ຜູ້ນຳໃຊ້;
–    ທົດລອງປະຕິບັດຕົວຈິງໃນການໜີບສາຍ LAN ຂອງຫົວ (RJ45) ແລະ ກວດສອບການໜີບສາຍ.
ການຝຶກອົບຮົມໃນຄັ້ງນີ້ແມນໄດ້ດຳເນີນເປັນເວລາ 4 ວັນເລີ່ມແຕ່ 26-29/7/2017 ແລະ ຈະໄດ້ປິດລົງໃນວັນທີ 29/7/2017.