• ໂທ: 081 312 347 | 020 52394441

ສູນສະຖິຕິປະຈຳແຂວງອຸດົມໄຊ

Oudomxay Provincial Statistics Centre

ບົດລາຍງານສະຖິຕິຂັ້ນບ້ານປີ 2015

ການ​ເກັບ​ກຳ​ຂໍ້​ມູນ​ສະຖິຕິ​ຂັ້ນ​ບ້ານ​ ຂອງ​ ແຂວງ​ອຸດົມ​ໄຊ ​ໄດ້​ເຮັດ​ຕໍ່​ເນື່ອງ​ຈາກ​ການ​ເກັບ​ກໍາ​ຂໍ້​ມູນ​ສະຖິຕິ​ຂັ້ນ​ບ້ານ​ໃນ​ການ​ເຮັດ​ທົດ​ລອງວຽກ​ງານ​ສາມ​ສ້າງ ​ແລະ ການຈັດ​ເກັບ​ຂໍ້​ມູນ​ສະຖິຕິ​ຂັ້ນ​ບ້ານ​ໃນ​ລະດັບ​ບ້ານ, ​ໃນປີ 2013 ສູນ​ສະຖິຕິ​ປະຈໍາ​ແຂວງ ອຸດົມ​ໄຊ  ແລະ ພະ​ແນ​ກ​ແຜນການ-ການ​ລົງທຶນ, ​ໄດ້​ຈັດ​ຕັ້ງ​ປະຕິບັດ​ການ​ເກັບ​ກຳ​ຂໍ້​ມູນ​ສະຖິຕິ​ຂັ້ນ​ບ້ານ ທັງ​ໝົດ​ທົ່ວ​ແຂວງ 473 ບ້ານ, 51,708 ຄົວ​ເຮືອນ ​ເພື່ອ​ສ້າງ​ຖານ​ຂ້ມູນ​ເສດຖະກິດ-ສັງຄົມ​ລະດັບ​ຄົວ​ເຮືອນ​ທົ່ວ​ແຂວງ ​ແລະ ​ໄດ້​ຮັບ​ຂໍ້​ມູນ​ທຸກ​ຄົວ​ເຮືອນ​ທົ່ວ​ແຂວງ (ສຳ​ລັບ​ຄົວ​ເຮືອນ​ສ່ວນ​ບຸກ​ຄົນ​ທີ່​ເປັນ​ຄົວ​ເຮືອນ​ຂອງ​ຄົນ​ລາວ) ຊຶ່ງ​ເປັນ​ຖານ​ຂໍ້​ມູນ​ທີ່​ມີ​ຄວາມ​ສຳຄັນ​ໃນ​ການ​ຕີ​ລາ​ຄາ​ສະ ພາບ​ການ​ພັດທະນາ​ເສດຖະກິດ-ສັງຄົມ​ລະດັບ​ພື້ນຖານ ​ແລະ ​ເປັນ​ບ່ອນ​ອີງ​ໃຫ້​ແກ່​ການ​ສຳ​ຫຼວດອື່ນໆ.​

ມາ​ຮອດ​ປິ 2015 ​ເພື່ອ​ເຮັດ​ໃຫ້ການ​ສົມ​ທຽບ​ຂໍ້​ມູນ​ໄດ້​ເກີດ​ຂຶ້ນ​ຢ່າງ​ຕໍ່​ເນື່ອງ ແລະ ເປັນ​ພື້ນ​ຖານ​ຂໍ້​ມູນ​ຕີ​ລາ​ຄາ​ແຜນ​ພັດ​ທະ​ນາ​ເສດ​ຖະ​ກິດ-ສັງ​ຄົມ 5 ປີ ຄັ້ງ​ທີ 8 ຂອງ​ແຂວງ​ອຸ​ດົມ​ໄຊ, ​ໂດ່​ຍອີງ​ໃສ່​ງົບປະມານ ​ແລະ ຫຼັກການ​ຕົ້ນຕໍ​ຂອງ​ສະຖິຕິ​ ​ເພື່ອ​ເຮັດ​​ໃຫ້​ມີ​ຂໍ້​ມູນ​ລະດັບ​ຫົວໜ່ວຍ​ພື້ນຖານ​ ສາມາດ​ຕີ​ລາຄາ​ຜົນ​ການຈັດ​ຕັ້ງ​ປະຕິບັດ​ແຜນ​ພັດທະນາ​ເສດຖະກິດ-ສັງຄົມ ​ແລະ ການ​ລົບ​ລ້າງ​ຄວາມທຸກ​ຍາກ ພະ​ແນ​ກ​ແຜນການ ​ແລະ ການ​ລົງທຶນ, ສູນ​ສະຖິຕິປະຈຳ​ແຂວງ​ອຸດົມ​ໄຊ ຈິ່ງ​ໄດ້​ສົມທົບ​ກັບ ສູນ​ສະຖິຕິ​ແຫ່ງ​ຊາດ ຄົ້ນຄວ້ານຳ​ໃຊ້​ວິທີ​ການ​ເກັບ​ກຳ​ຂໍ້​ມູນ​ສະຖິຕິ​ຂັ້ນ​ບ້ານ​ແບບ​ຕົວ​ແທນນີ້​ຂຶ້ນ ​ໂດ່​ຍອີງ​ໃສ່​ຫຼັກ​ວິທະຍາສາດ​ດ້ານ​ສະຖິຕິ, ການຈັດ​ຕັ້ງ​ປະຕິບັດ​ໄດ້​ເລີ່​ມ​ແຕ່​ເດືອນ 11 ປີ 2014 ​ໂດຍ​ຜ່ານ​ຂະ​ບວນການ​ຕ່າງໆ​ຢ່າງ​ລະອຽດ ​ໂດຍໄດ້​ຮັບ​ງົບປະມານສະໜັບ​ສະ​ໜູນ​ຈາກ ການ​ລົງທຶນ​ປົກກະຕິ​ຂອງ​ລັດ ​ແລະ ສູນ​ສະຖິຕິ​ແຫ່ງ​ຊາດ​ຈຳນວນ​ໜຶ່ງ.