• ໂທ: 081 312 347 | 020 52394441

ສູນສະຖິຕິປະຈຳແຂວງອຸດົມໄຊ

Oudomxay Provincial Statistics Centre

ກອງປະຊຸມວຽກງານສະຖິຕິທົ່ວແຂວງ ອຸດົມໄຊ ປະຈຳປີ 2016

ກອງປະຊຸມວຽກງານສະຖິຕິທົ່ວແຂວງ ອຸດົມໄຊ ປະຈຳປີ 2016 ແລະ ເປີດນຳໃຊ້ລະບົບຖານຂໍ້ມູນ ອຸດົມໄຊ ອິນໂຟ 1.0, ເວບໄຊທ  ໄດ້ເປີດຂື້ນວັນທີ 13 ມີນາ 2017 ນີ້ ທີ່ສະໂມສອນຂອງແຂວງ ອຸດົມໄຊ ໂດຍການເຂົ້າຮ່ວມເປັນປະທານຮ່ວມຂອງທ່ານ ອ່ອນແກ້ວ ອຸ່ນອາລົມ ກຳມະການພັກແຂວງ ຫົວໜ້າພະແນກແຜນການ ແລະ ການລົງທືນແຂວງ ອຸດົມໄຊ ແລະ ທ່ານ ເລື່ອນ ສົນສີວິໄວ ຮອງຫົວໜ້າສູນສະຖິຕິແຫ່ງຊາດ, ມີບັນດາຫົວໜ້າສູນສະຖິຕິປະຈຳແຂວງ 8 ແຂວງ, ຫົວໜ້າ-ຮອງຫົວໜ້າພະແນການ-ອົງການ, ເຈົ້່າເມືອງ-ຮອງເຈົ້າເມືອງ, ຫົວໜ້າຫ້ອງການແຜນການເມືອງ ແລະ ຫົວໜ້າສູນສະຖິຕິປະຈຳເມືອງ ທັງ 7 ເມືອງພາຍໃນແຂວງ ອຸດົມໄຊ, ພ້ອມດ້ວຍພະນັກວີຊາການທີ່ເຮັດວຽກງານສະຖິຕິຈາກພະແນກການ-ອົງການອ້ອມໄດ້ເຂົ້າຮ່ວມລວມທັງໝົດ 102 ທ່ານ ຍີງ 23 ທ່ານ. ກອງປະຊຸມຄັ້ງນີ້ມີເນື້ອໃນທີ່ຄະນະຮັບຜິດຊອບມາສະເໜີດັ່ງນີ້:

  • ເປັນຕົ້ນແມ່ນບົດສະຫຼຸບຈັດຕັ້ງປະຕິບັດວຽກງານສະຖິຕິປະຈຳປີ 2016 ທິດທາງແຜນການປີ 2017.
  • ແຜນພັດທະນາລະບົບວຽກງານສະຖິຕິແຂວງ ອຸດົມໄຊ 5 ປີຄັ້ງທີ I ( 2016-2020 ).
  • ຜົນຂອງການສຳຫຼວດຂໍ້ມູນເສດຖະກິດ-ສັງຄົມຂອງແຂວງແບບຕົວແທນປີ 2015.
  • ແຜນການປັບປຸງລະບົບປີຖານການຄິດໄລລວມຍອດພະລິດຕະພັນພາຍໃນ(GDP)ຂອງແຂວງ ອຸດົມໄຊ.
  • ລະບົບຖານຂໍ້ມູນອຸດົມໄຊອີນໂຟ(Oudomxay Info 1.0) ແລະ ເວບໄຊທ.
  • ແຜນການສ້າງລະບົບການເຊື່ອມໂຍງ, ການກະກ່ຽມຄວາມພ້ອມໃຫ້ແກ່ການເປັນສູນຂໍ້ມູນປະຈຳ 4 ແຂວງພາກເໜືອ.

          ຕະຫຼອດໄລຍະຂອງການດຳເນີດກອງປະຊຸມຄັ້ງນີ້ຜູ້ເຂົ້າແມ່ນໄດ້ຮັບຝັງການລາຍງານ, ປະກອບຄຳຄິດຄຳເຫັນ ແລະ ແລກປ່ຽນບົດຮຽນນຳກັນຕໍ່ກັບເນື້ອໃນເອກະສານຕ່າງໆຢ່າງກົງໄປກົງມາ ແລະ ຜູ້ແທ່ນກອງປະຊຸມໄດ້ເອກະພາບສຸງກັບເນື້ອໃນດັ່ງກ່າວ,  ຊື່ງທັງໝົດເນື້ອຂອງກອງປະຊຸມແມ່ນຄະນະຮັບຜິດຊອບແນ່ໃສ່ເພື່ອເຮັດໃຫວຽກງານສະຖິຕິກໍ່ຄືປັບປຸງຂໍ້ມູນສະຖິຕິໃຫ້ຄົບຖ້ວນ ທັນໂມງເວລາ ແລະ ທັນສະໄໝ ເພື່ອສ້າງຜົນດີໃຫ້ແກ່ການປະຕິບັດວຽກງານສະຖິຕິໃນທົ່ວແຂວງໃຫ້ມີຄວາມເຂັ້ມແຂງ ຮັບໃຊ້ໃຫ້ແກ່ການພັດທະນາ ອຸດົມໄຊ ໃຫ້ນັບມື້ດີຂື້ນ.

          ຈົນເວລາ 17:00 ກອງປະຊຸມໄດ້ປິດລົງ ແລະ ປະກາດກອງປະຊຸມໄດ້ຕັດແຖບຜາເປີດນໍາໃຊ້ລະບບົບຖານຂໍ້ມູນ OudomxayInfo 1.0 ແລະ Website ສູນສະຖິຕິປະຈຳແຂວງອຸດົມໄຊ ຢ່າງເປັນທາງການ.

ຂຽນໂດຍ: ປານແກ້ວ ແອງນີຄຸນ