• ໂທ: 081 312 347 | 020 52394441

ສູນສະຖິຕິປະຈຳແຂວງອຸດົມໄຊ

Oudomxay Provincial Statistics Centre

ເຜີຍແຜ່ແນະນຳການຈັດຕັ້ງປະຕິບັດແຜນພັັດທະນາເສດຖະກິດ-ສັງຄົມປະຈຳປີ 2017

ກອງປະຊຸມເຜີຍແຜ່ແນະນໍາ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈໍາປີ 2017 ຂອງແຂວງອຸດົມໄຊ. ໄດ້ຈັດຂຶ້ນໃນຕອນເຊົ້າວັນທີ 3 ກຸມພາ 2017ນີ້ ຢູ່ທີ່ສະໂມສອນໃຫຍ່ຂອງແຂວງ. ໂດຍການເປັນປະທານຂອງທ່ານ ເພັດສາຄອນ ຫຼວງອາໄພ ກຳມະການສູນກາງພັກ,ເລຂາພັກແຂວງ, ເຈົ້າແຂວງອຸດົມໄຊ, ມີບັນດາຄະນະປະຈຳພັກແຂວງ, ກຳມະການພັກເມືອງ, ເຈົ້າ ເມືອງ, ພະແນກການອ້ອມຂ້າງແຂວງ, ຫ້ອງການແຜນການເມືອງ, ພາກສ່ວນທີ່ກ່ຽວຂ້ອງ ແລະພະນັກງານວິຊາການພາຍໃນພະແນກແຜນການ ແລະ ການລົງທຶນແຂວງເຂົ້າຮ່ວມ.

ການດໍາເນີນກອງປະຊຸມດັ່ງກ່າວນີ້ບັນດາຜູ້ເຂົ້າຮ່ວມແມ່ນໄດ້ຮັບຟັງການສະຫຼຸບລາຍງານກ່ຽວກັບວຽກງານຮອບດ້ານຂອງພະແນກແຜນການ ແລະ ການລົງທຶນແຂວງ ໂດຍສະເພາະແມ່ນວຽກງານພັດທະນາເສດຖະກິດ-ສັງຄົມຂອງແຂວງປະຈຳສົກປີ 2015 – 2016 ພ້ອມທັງຮັບຟັງກ່ຽວກັບທິດທາງແຜນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈຳປີ 2017. ເຊິ່ງການດຳເນີນກອງປະຊຸມເຜີຍແຜ່ແນະນຳການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມໃນຄັ້ງນີ້ ກໍ່ເພື່ອເຮັດໃຫ້ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດຂອງແຂວງອຸດົມໄຊ ປະຈຳປີ 2017 ນີ້ໃຫ້ສຳເລັດຕາມລະດັບຄາດໝາຍທີ່ກຳນົດໄວ້,ເຮັດໃຫ້ການດຳເນີນວຽກງານມີຄວາມເປັນເອກະພາບ,ຖືກຕ້ອງ,ສອດຄ່ອງກັບລະບຽບ,ກົດໝາຍ,ທິດທາງແຜນການ ກໍຄືແນວທາງຂອງພັກ-ລັດ ໃນການພັດທະນາເສດຖະກິດ-ສັງຄົມຂອງປະເທດເຮົາໃຫ້ມີບາດ ກ້າວຂະຫຍາຍຕົວ,ນຳພາປະຊາຊົນຫຼຸດພົ້ນອອກຈາກຄວາມທຸກຍາກ ແລະ ກ້າວໄປເຖິງການນຳພາປະເທດຊາດຫຼຸດພົ້ນອອກຈາກປະເທດດ້ອຍພັດທະນາ ເທື່ອລະກ້າວ. ທັງເປັນການມອບໝາຍວຽກງານໃຫ້ແກ່ບັນດາພະແນກການ,ເມືອງ ໃນການນຳເອົາທິດທາງດັ່ງກ່າວໄປຈັດຕັ້ງຜັນຂະຫຍາຍໃຫ້ປະກົດຜົນເປັນຈິງ.

ນອກນັ້ນ ກອງປະຊຸມຍັງໄດ້ຮັບຟັງກ່ຽວກັບຄໍາສັ່ງແນະນໍາຂອງທ່ານເຈົ້າແຂວງ ວ່າດ້ວຍການຈັດ ຕັ້ງປະຕິບັດ ແຜນພັດທະນາເສດຖະກິດ-ສັງຄົມ ປະຈຳປີນີ້ ພ້ອມທັງແຈ້ງການແນະນຳໃນການຈັດຕັ້ງປະຕິບັດ.

ໂອກາດດັ່ງກ່າວ ບັນດາຜູ້ເຂົ້າຮ່ວມກໍໄດ້ປະກອບຄໍາເຫັນໃສ່ທິດທາງແຜນການ ການຈັດຕັ້ງປະຕິ ບັດແຜນພັດທະນາເສດຖະກິດ-ສັງຄົມ ປະຈຳປີ 2017 ເພື່ອເຮັດໃຫ້ການຈັດ ຕັ້ງປະຕິບັດມີຄວາມເປັນເອກະພາບ,ສະດວກສະບາຍແລະໄດ້ຮັບຜົນສຳເລັດຕາມລະດັບຄາດໝາຍ.

ຂ່າວ: ຄານມະນີ ຮຽນດໍຈັນ, ສຖວ.ອຊ