• ໂທ: 081 312 347 | 020 52394441

ສູນສະຖິຕິປະຈຳແຂວງອຸດົມໄຊ

Oudomxay Provincial Statistics Centre

ຝືກອົບຮົມການຕິດຕັ້ງບຳລຸງຮັກສາ ແລະ ການຄຸ້ມຄອງເຄື່ອຄ່າຍ

Cover1

ໃນຕອນເຊົ້າເວລາ 9: 00 ໂມງ ຂອງວັນທີ 9 ມັງກອນ 2017  ກົມບໍລິການ, ສູນສະຖິຕິແຫ່ງຊາດ ໄດ້ຈັດຝຶກອົບຮົມການຕິດຕັ້ງບຳລຸງຮັກສາ ແລະ ການຄຸ້ມຄອງເຄື່ອຄ່າຍ ຢູ່ທີ່ຫ້ອງປະຊຸມພະແນກແຜນການ ແລະ ການລົງທຶນແຂວງ.  ໂດຍພາຍໃຕ້ການເປັນປະທານຮ່ວມຂອງ ທ່ານ ອ່ອນແກ້ວ ອຸ່ນອາລົມ  ຫົວໜ້າພະແນກແຜນການ ແລະ ການລົງທຶນແຂວງ ແລະ ທ່ານ ນ ສຸລະພັນ ພີມພາພົງສະຫວັດ ຮອງຫົວໜ້າກົມບໍລິຫການ, ສູນສະຖິຕິແຫ່ງຊາດ. ມີບັນດາທ່ານ ຫົວໜ້າ ແລະ ຮອງ ສູນສະຖິຕິປະຈຳແຂວງອຸດົມໄຊ, ທີມງານຈາກສູນສະຖິຕິແຫ່ງຊາດ, ພະນັກງານວິຊາການຈາກ  ພະແນກແຜນການ ແລະ ການລົງທຶນແຂວງອຸດົມໄຊ ແລະ  ສູນສະຖິຕິປະຈຳແຂວງ 9 ແຂວງພາກເໜືອເຂົ້າຮ່ວມທັງໝົດ 18 ທ່ານ, ຍິງ 2 ທ່ານ. ຈຸດປະສົງຕົ້ນຕໍ ສຳລັບການຝຶກອົບຮົມໃນຄັ້ງນີ້ແມ່ນ:

  1. ເພື່ອສ້າງຄວາມເຂັ້ມແຂງໃຫ້ແກ່ພະນັກງານວິຊາການຂອງສູນສະຖິຕິປະຈຳແຂວງໃຫ້ມີຄວາມເຂັ້ມແຂງທາງໄອທີໂດຍສະເພາະແມ່ນການຕິດຕັ້ງບຳລຸງຮັກສາເຄື່ອງຄອມພິວເຕີ ແລະ ການຄຸ້ມຄອງລະບົບເຄືອຂ່າຍພາຍໃນສູນສະຖິຕິ ເພື່ອຊ່ວຍໃຫ້ການຮັບ-ສົ່ງໃນການຜະລິດຂໍ້ມູນສະຖິຕິມີຄວາມສະດວກວ່ອງໄວຂື້ນກວ່າເກົ່າ
  2. ເພື່ອສົ່ງເສີມ ແລະ ພັດທະນາບຸກຄະລາກອນ ໃນວຽກງານສະຖິຕິໃຫ້ມີຄວາມຮູ້, ຄວາມສາມາດ ໃນການຮຽນຮູ້ ກ່ຽວກັບການສ້າງ, ນຳໃຊ້ຖານຂໍ້ມູນ ແລະ ການເຜີຍແຜ່ຂໍ້ມູນດ້ວຍ ເວັບໄຊ ໂດຍການນຳໃຊ້ຂໍ້ມູນ ຂອງສູນສະຖິຕິປະຈຳແຂວງທີ່ໃດ້ເກັບກຳສັງລວມມາ.
  3. ເພື່ອສົ່ງເສີມການນຳໃຊ້ເທັກໂນໂລຊີ ທີ່ທັນສະໄໝ ເຂົ້າໃນການແລກປ່ຽນຂໍ້ມູນລະຫ່ວາງ ແຂວງ, ເມື່ອງ, ຂະແໜງການ ແລະ ສູນສະຖິຕິແຫ່ງຊາດ ດ້ວຍຫລາຍຮູບແບບ.
  4. ເພື່ອຮັບປະກັນການຕອບສະໜອງຂໍ້ມູນສະຖິຕິທາງການໃນຂົງເຂດເສດຖະກິດ-ສັງຄົມ ແລະ ສິ່ງແວດລ້ອມໃຫ້ມີເນື້ອໃນຄົບຖ້ວນ ກ້າວໄປສູ້ຄວາມພຽງພໍ, ມີຄຸນນະພາບ, ທັນ ເວລາ, ໂປ່ງໃສ ແລະ ຊື່ອຖືໄດ້.

ການຝຶກອົບຮົມຄັ້ງນີ້ຈະໄດ້ດໍາເນີນໄປເປັນເວລາ 5 ວັນເຕັມ ຈິງຈະສຳເລັດລົງ.