• ໂທ: 081 312 347 | 020 52394441

ສູນສະຖິຕິປະຈຳແຂວງອຸດົມໄຊ

Oudomxay Provincial Statistics Centre

ກອງປະຊຸມໃຫ່ຍຄັ້ງທີ III ຂອງໜ່ວຍຊາວໜຸ່ມພະແນກການຕ່າງປະເທດ

cover-youth

      ຕອນແລງ ເວລາ 13:35 ນາທີ ຂອງວັນທີ 5 ສີງຫາ 2016 ທີ່ຫ້ອງປະຊຸມພະແນກການຕ່າງປະເທດແຂວງອຸດົມໄຊ ມີພິທີເປີດກອງປະຊຸມໃຫ່ຍຄັ້ງທີ III ຂອງໜ່ວຍຊາວໜຸ່ມພະແນກການຕ່າງປະເທດຂື້ນຢ່າງເປັນທາງການພາຍໃຕ້ການເປັນປະທານ ຂອງ ສະຫາຍ ນ້ອຍ ອານົງເດດ ເລຂາໜ່ວຍຊາວໜຸ່ມພະແນກການຕ່າງປະເທດ, ໃຫ້ກຽດເຂົ້າຮ່ວມໂດຍ ສະຫາຍ ນ. ທຸມມາ ປັນຍາສິດ ຮອງເລຂາ ຄະນະບໍລິຫານຊາວໜຸ່ມແຂວງ ແລະ ສະຫາຍ ວິໄສ ອິນດາລາ ຮອງເລຂາໜ່ວຍພັກ, ຮອງຫົວໜ້າພະແນກການຕ່າງປະເທດ ພ້ອມດ້ວຍແຂກເຊີນມາຈາກໜ່ວຍຕ່າງໆອ້ອມຂ້າງແຂວງ, ຈໍານວນ 5 ພາກສ່ວນ ແລະ ມີຜູ້ເຂົ້າຮ່ວມທັງໝົດ 34 ສະຫາຍ, ຍີງ 09 ສະຫາຍ.

     ກອງປະຊຸມໃຫ່ຍຄັ້ງທີ່ III ຂອງໜ່ວຍຊາວໜຸ່ມພະແນກການຕ່າງປະເທດຄັ້ງນີ້ ສະຫາຍ ເລຂາໜ່ວຍຊາວ
ໜຸ່ມໄດ້ຜ່ານຮ່າງບົດລາຍງານການເມືອງ ແລະ ການເຄື່ອນໄຫວຈັດຕັ້ງປະຕິບັດວຽກງານຊາວໜຸ່ມໃນໄລຍະຜ່ານມາແຕ່ປີ 2013 – 2016 ແລະ ທີດທາງແຜນການຈັດຕັ້ງປະຕິບັດໃນຕໍ່ໜ້າ 2016 – 2019 ແລະ ໄດ້ມອບໃບຍ້ອງຍໍຜົນງານໃຫ້ແກ່ສະມາຊີກຊາວໜຸ່ມຜູ້ທີ່ມີຜົນງານດີເດັ່ນປະເພດ I ຍ້ອງຍໍຂັ້ນຄະນະບໍລິຫານງານສູນກາງ ຊປປ ລາວ ມີ: 19 ສະຫາຍ, ຍີງ 06 ສະຫາຍ ແລະ ປະເພດ II ຍ້ອງຍໍຂັ້ນຄະນະບໍລິຫານຊາວໜຸ່ມແຂວງ ມີ: 02 ສະຫາຍ, ຍີງ 01 ສະຫາຍ.

   ກອງປະຊຸມດັ່ງກ່າວໄດ້ມີການປ່ອນບັດຄັດເລືອກເອົາຄະນະໜ່ວຍຊາວໜຸ່ມຊຸດໃໝ່ໄດ້ແກ່ ສະຫາຍ ບຸນມີນາ ຂັນທະຍົງທອງ ເປັນເລຂາໜ່ວຍ, ສະຫາຍ ນ. ສອນສີດາ ຈໍາປາສີມະນີ ເປັນຮອງເລຂາໜ່ວຍ ແລະ  ສະຫາຍ ໜໍ່ແກ້ວ ຕົງເນັງ ເປັນຄະນະໜ່ວຍຊາວໜຸ່ມ ພະແນກການຕ່າງປະເທດ, ພ້ອມກັນນັ້ນຄະນະໜ່ວຍຊາວໜຸ່ມພະແນກການຕ່າງປະເທດ ໄດ້ຜ່ານທິດທາງແຜນການເປີດຂໍ້ແຂ່ງຂັນ 4 ບຸກຂອງໜ່ວຍຂື້ນເປັນປີທີ I ຢ່າງເປັນທາງການດ້ວຍບັນຍາກາດທີ່ດີ ແລະ ໃນຕອນທ້າຍຂອງກອງປະຊຸມໄດ້ຮັບຟັງຄໍາໂອ້ລົມຂອງ ສະຫາຍ ນ. ທຸມມາ ປັນຍາສິດ ຮອງເລຂາຄະນະບໍລິຫານງານຊາວໜຸ່ມແຂວງ ເຊີ່ງສະຫາຍກໍ່ໄດ້ກ່າວຍ້ອງຍໍຊົມເຊີຍຕໍ່ຜົນສໍາເລັດຜົນງານດີເດັ່ນຂອງໜ່ວຍຊາວໜຸ່ມພະແນກການຕ່າງປະເທດຍາດມາໄດ້ ແລະ ໃຫ້ສືບຕໍ່ສູ້ຊົນຕໍ່ແຜນການຈັດຕັ້ງປະຕິບັດວຽກງານເຊັ່ນ: ວຽກງານສືກສາອົບຮົມວຽກງານແນວຄີດ, ເຕົ້າໂຮມຄວາມສາມັກຄີ, ວຽກງານຂະບວນການ, ວຽກງານສະເພາະ; ໂດຍສະເພາະແມ່ນໃຫ້ສືບຕໍ່ຈັດຕັ້ງປະຕິບັດວຽກງານຂະບວນການ, ການສ້າງແຫຼ່ງລາຍຮັບເຂົ້າຄັງ, ສືບຕໍ່ຂະບວນການສາຍພົວພັນແຮກສ່ຽວລະຫວ່າງໜ່ວຍອ້ອມຂ້າງແຂວງ, ເມືອງ ແລະ ໜ່ວຍຊາວໜຸ່ມບັນດາແຂວງອ້ອມຂ້າງໃຫ້ຫຼາຍຂື້ນກວ່າເກົ່າ.

    ກອງປະຊຸມໃຫ່ຍຄັ້ງທີ III  ແລະ ການເປີດຂໍ້ແຂ່ງຂັນ 4 ບຸກເປັນຄັ້ງທີ່ I ຂອງໜ່ວຍຊາວໜຸ່ມພະແນກການຕ່າງປະເທດ ແຂວງອຸດົມໄຊ ໄດ້ໃຊ້ ເວລາ ໜື່ງຕອນຮອດ ເວລາ 16:30 ນາທີ ກອງປະຊຸມກໍ່ໄດ້ກ່າວປິດລົງດ້ວຍຜົນສໍາເລັດອັນຈົບງາມ.

ພາບ ແລະ ຂ່າວ: ພະແນກການຕ່າງປະທດ