• ໂທ: 081 312 347 | 020 52394441

ສູນສະຖິຕິປະຈຳແຂວງອຸດົມໄຊ

Oudomxay Provincial Statistics Centre

ໜ້າທີ ແລະ ຂອບເຂດສິດ

  1. ໜ້າທີ່
  • ຈັດຕັ້ງຜັນຂະຫຍາຍນະໂຍບາຍ, ລະບຽບກົດໝາຍ, ແຜນຍຸດທະສາດ, ແຜນດຳເນີນງານເຂົ້ນໃນການຈັດຕັ້ງປະຕິບັດຕົວຈິງໃນແຂວງ, ນະຄອນ. ສ້າງແຜນການ ເຄື່ອນໄຫວວຽກງານສະຖິຕິ ໃນຂອບເຂດຄວາມຮັບຜິດຊອບຂອງຕົນໃນແຕ່ລະໄລຍະ;
  • ຄົ້ນຄ້ວາ ແລະ ສະເໜີ ຕໍ່ສູນສະຖິຕິແຫ່ງຊາດ ກຽວກັບການປັບປຸງກົງຈັກການຈັດຕັ້ງ, ບຸກຄະລາກອນສະຖິຕິ, ຄົ້ນຄ້ວາສະເໜີປະຕິບັດນະໂຍບາຍຍ້ອງຍໍ ແລະ ລົງວິໄນ ຕໍພະນັກງານສະຖິຕິ ໃນຂອບເຂດຄວາມຮັບຜິດຊອບຂອງຕົນ;
  • ຄົ້ນຄ້ວາ ແລະ ສະເໜີຕໍສູນສະຖິຕິແຫ່ງຊາດ ກ່ຽວກັບການປະຕິບັດນະໂຍບາຍ ຕໍ່ບຸກຄນ , ນິຕິບຸກຄົນ ແລະ  ການຈັດຕັ້ງ ທີ່ມີຜົນງານໃນການສະໜອງຂໍ້ມູນ ແລະ ປະຕິບັດວິໃນ ຕໍ່ບຸກຄົນ, ນິຕິບຸກຄົນ ແລະການຈັດຕັ້ງທີ່ປະຕິບັດຕາມລະບອບການລາຍງານ ແລະ ພັນນທະໃນການລາຍງານສະຖິຕິ ເຊີ່ງໄດ້ກໍານົດໄວ້ໃນ ມາດຕາ 20, 22 ແລະ 23ຂອງກົດໝາຍວ່າດ້ວຍສະຖິຕິ;
  • ໂຄສະນາ,ເຜີຍແຜ່ນະໂຍບາຍ, ລະບຽບກົດໝາຍ, ແຜນຍຸດທະສາດ, ແຜນດຳເນີນງານ, ຂໍ້ຕົກລົງ, ຄຳສັ່ງເພື່ອໃຫ້ເຂົ້າໃຈເປັນເອກະພາບໃນການຈັດຕັ້ງປະຕິບັດໃນຂອບເຂດຄວາມຮັບຜິດຊອບຂອງຕົນ;
  • ຈັດຕັ້ງປະຕິບັດການເກັບກຳຂໍ້ມູນສະຖິຕິ  ແລະ  ຖວງເອົາຂໍ້ມູນສະຖິຕິຕາມການລາຍງານບໍລິຫານ ແລະ ການສຳຫຼວດເຊັ່ນ :  ການສຳຫຼວດໃຫຍ່ , ການສຳຫຼວດແບບຕົວແທນ ແລະ ການສຳລວດສະເພາະ ໃນທ້ອງຖິ່ນຂອງຕົນ; ສັງລວມ,ປຸງແຕ່ງ,ວິໄຈ,ຈັດພິມ,ເຜີຍແຜ່ຂໍ້ມູນສະຖິຕິທາງການ ໃນຂອບເຂດຄວາມຮັບຜິດຊອບຂອງຕົງ;
  • ສ້າງຕາຕະລາງເກັບກຳ, ສ້າງປື້ມຄູ່ມື້, ເຂົ້າຮ່ວມປຶກສາຫາລື, ປະກອບຄຳເຫັນທາງດ້ານວິຊາການ ກ່ຽວກັບສະຖິຕິ ຕາມຄວາມຮັບຜິດສອບຂອງຕົນ; ຊຸກຍູ້ສູນສະຖິຕິປະຈຳເມືອງ, ເທດສະບານ ໃນການຈັດຕັ້ງປະຕິບັດວຽກງານສະຖິຕິ ດ້ວຍການນຳໃຊ້ກົນໄກ ແລະ ວິທີການປະສານງານທີ່ເໝາສົມ;
  • ບຳລຸງ, ກໍ່ສ້າງ ສຶກສາອົບຮົມ ຍົກລະດັບຄວາມຮູ້ ແລະ  ຄວາມຊຳນານງານດ້ານໃຫ້ແກ່ລັດຖະກອນ ໃນຂອບເຂດຄວາມຮັບຜິດຊອບຂອງຕົນ;
  • ສະຫຼຸບ, ລາຍງານຜົນຂອງການຈັດຕັ້ງປະຕິບັດວຽກງານສະຖິຕິໃຫ້ສູນສະຖິຕິແຫ່ງຊາດ , ພະແນກແຜນການ ແລະ ກາານລົງທຶນ ອົງການປົກຄອງຂັ້ນແຂວງ ຢ່າງເປັນປົກກະຕິ ແລະ ທັນເວລາ;
  • ປະຕິບັດໜ້າທີ່ອື່ນໆ ຕາມລະບຽບກົດໝາຍ ແລະ ການມອບໝາຍຂອງຂັ້ນເທິງ.
  1. ຂອບເຂດສິດ
  • ອອກແຈ້ງການ ແລະ ຄຳແນະນຳກ່ຽວກັບການດຳເນີນວຽກງານສະຖິຕິ ໃນຂອບເຂດຄວາມຮັບຜິດຊອບຂອງຕົນ;
  • ຊີ້ນຳ, ຄຸ້ມຄອງ ແລະ ຈັດຕັ້ງປະຕິບັດວຽກງານການຜະລິດ ແລະການເຜີຍແຜ່ ສະຖິຕິທາງການຂອງແຂວງ,ນະຄອນ, ເມືອງ,ເທດສະບານໃນຂອບເຂດຄວາມຮັບຜິດຊອບຂອງຕົນ;
  • ຄົ້ນຄົ້ວ ແລະ ສະເໝີສູນສະຖິຕິແຫ່ງຊາດ ແຕ່ງຕັ້ງ, ຍົກຍ້າຍໜ້າທີ່ ຫຼື ປົດຕຳແໜ່ງຫົວໜ້າ ແລະ ຮອງຫົວໜ້າສູນສະຖິຕິປະຈຳເມືຶອງ, ເທດສະບານ, ຫົວໜ້າ ແລະ ຮອງຫົວໜ້າຂະແໜ່ງພາຍໃນສູນສະຖິຕິປະຈຳແຂວງ, ນະຄອນ ໃນຂອບເຂດຄວາມຮັບຜິດຊອບຂອງຕົນບົນພື້ນຖານຄວາມເຫັນດີເປັນເອກະພາບກັບພະແນກແຜນການ ແລະ ການລົງທຶນແຂວງ ແລະ ຄະນະຈັັດຕັ້ງຂອງແຂວງ, ນະຄອນ;
  • ພົ່ວພັນ, ຮ່ວມມືສາກົນ ກ່ຽວກັບວຽກງານສະຖິຕິ ໂດຍຜ່ານສູນສະຖິຕິແຫ່ງຊາດ;
  • ຕິດຕາມ, ກວດກາ ແລະ ປະເມີນກ່ຽວກັບລະບອບວິທີວິທະຍາສາດສະຖິຕິ ແລະ ການເຄື່ອນໄຫວວຽກງານສະຖິຕິ ຕາມແຜນດຳເນີນງານຂອງສູນສະຖິຕິປະຈຳເມືອງ, ເທດສະບານ ແລະ ຂະແໜງສະຖິຕິຂອງພະແນກການອ້ອມຂ້າງແຂວງ, ນະຄອນ ໃນແຕ່ລະໄລຍະ;
  • ການປະຕິບັດສິດອື່ນໆ ຕາມລະບຽບກົດໝາຍ ແລະ ການມອບໝາຍຂອງຂັ້ນເທິງ.